Ymchwil :: Ymchwil Atal Tân

Ymchwil yn Atal Tân

Felly, mae’n un o amcanion allweddol Atal Tân i hyrwyddo arferion yn seiliedig ar dystiolaeth yn y gwaith atal tân a diogelwch tân yng Nghymru. Rydym yn gwneud hyn trwy arwain a chynnal ymchwil sylfaenol, yn ogystal â thrwy ledaenu gwybodaeth am ymchwil berthnasol arall ym maes diogelwch tân, a hynny o Gymru, Gwledydd Prydain a thu hwnt.

Yn ddiweddar, gyda phenodi Richard Hall i’r swydd ‘‘Cydlynydd Polisïau ac Ymchwil’,  mae gallu Atal Tân ym maes ymchwil wedi ehangu. Ymunodd Richard â’r tîm ym mis Chwefror 2009, gan ddod â chryn dipyn o wybodaeth a phrofiad o ymchwil i’r sefydliad. Cyn dod atom ni, ei swydd ddiwethaf oedd fel Rheolwr Ymchwil i’r darparwr preifat mwyaf ym maes llety i fyfyrwyr.

Mae’r tri Gwasanaeth Tân ac Achub yng Nghymru eisoes yn defnyddio eu dulliau eu hunain i dargedu eu hymyriadau diogelwch tân yn eu hardaloedd. Mae Atal Tân yn cefnogi hyn trwy gynnal ymchwil trwy Gymru i gyd, gan ein gosod mewn lle unigryw o allu rhoi persbectif Cymreig i waith ymchwil ym maes diogelwch tân.

Mae tystiolaeth ymchwil ddiweddar wedi dangos yn eglur pa fanteision y gellir eu cael o ganlyniad o gydweithio agosach rhwng y Gwasanaethau Tân ac Achub a'r mudiadau cymunedol sy'n gweithio ar gyfer/gyda'r bobl sydd fwyaf mewn perygl o dân. Bydd Atal Tân yn cynnal ymchwil i’r ffyrdd y gall y partneriaethau hyn fod fwyaf effeithiol, a phwy yw’r partneriaid gorau i gyrraedd y cymunedau sy’n agored i berygl a/neu sydd fwyaf anodd eu cyrraedd. Bydd Atal Tân yn canolbwyntio ar y math hwn o ymchwil, ac isod gellir gweld enghraifft o ymchwil yr ydym wedi ei wneud gyda'r 22 o Asiantaethau Gofal a Thrwsio.

Timau Cyffuriau ac Alcohol Cymunedol a Chymdeithasau Mind Lleol

Cefndir a Throsolwg (Saesneg yn unig)
Adroddiad Cam Un - Timau Cyffuriau ac Alcohol (Saesneg yn unig)
Adroddiad Cam Un - Cymdeithasau Mind (Saesneg yn unig)

Adroddiad Diogelwch Tân gan Atal Tân Cymru

Mae'r adroddiad hwn yn dwyn ynghyd yr ymchwil a'r wybodaeth ddiweddaraf sy'n berthnasol i ddiogelwch tân cymunedol, yn enwedig yr hyn sy'n ymwneud â thanau damweiniol yn y cartref.

Yn bwysicach na hynny efallai, mae'r adroddiad yn rhoi pennod gyfan i bartneriaethau, gan dynnu sylw at y manteision a ddaw o weithio mewn partneriaeth, a'r modd y gellid gwneud hynny er mwyn bod mor llwyddiannus â phosib. 

Adroddiad Diogelwch Tân gan Atal Tân Cymru 2009 (PDF, 1.4MB)
Adroddiad Diogelwch Tân gan Atal Tân Cymru 2009 - Crynodeb Gweithredol (PDF, 159KB) 

Care & Repair Cymru - Deall Potensial Partneriaethau a Phartneriaethau

Yn 2009, fe gynhaliodd Atal Tân arolwg fanwl o bob un o'r 22 o Asiantaethau Gofal a Thrwsio yng Nghymru. Nod yr arolwg oedd cael gwybod beth yw’r sefyllfa bresennol o ran gwaith mewn partneriaeth rhwng yr Asiantaethau Gofal a Thrwsio a’r Gwasanaeth Tân ac Achub trwy Gymru. Yna, nodi gwybodaeth, syniadau a chyfleoedd i wella diogelwch a lles pobl hŷn trwy ddatblygu partneriaethau cyflwyno gwasanaethau rhwng yr Asiantaethau Gofal a Thrwsio a’r Gwasanaeth Tân ac Achub.

Arolwg o Asiantaethau Gofal a Thrwsio yng Nghymru: Deall Potensial Partneriaethau a Phartneriaethau - Mai 2009 (PDF, 265KB)

Byw'n Ddi-fwg

Nod y prosiect Byw'n Ddi-fwg yw lleihau'r peryglon y mae ysmygu yn y cartref yn eu creu i iechyd, yr amgylchedd, plant ac anifeiliaid anwes. Caiff y prosiect ei gyflwyno trwy bartneriaeth rhwng Atal Tân ac ASH Cymru (Action on Smoking and Health) gyda chefnogaeth y tri Gwasanaeth Tân ac Achub yng Nghymru.

Cliciwch yma i ddarllen am y Gwerthusiad o Gam 1 (PDF, 292 KB)