Ymchwil :: Swyddogaeth Ymchwil

Rôl ymchwil wrth wella diogelwch tân

Yn ffodus, mae nifer y bobl yng Nghymru sy’n dioddef anafiadau a marwolaeth mewn tanau yn y cartref, wedi gostwng dros amser. Mae’r siart isod yn dangos y tueddiad hwn o ran tanau damweiniol mewn cartrefi rhwng 1999 a 2006 (Ffynhonnell:Llywodraeth y Cynulliad, Ystadegau Cyfiawnder Diogelwch Cymunedol, , o ddata’r Gwasanaethau Tân ac Achub).

Yn gyrru’r tueddiad hwn i raddau helaeth, mae’r pwyslais cynyddol y mae’r Gwasanaethau Tân ac Achub yn ei roi ar ddarparu cyngor i gymunedau ynghylch ffyrdd y gallant leihau’r risg o dân, a thrwy osod miloedd ar filoedd o larymau mwg mewn cartrefi trwy Gymru. Fodd bynnag, mae mwy eto i’w wneud i atal rhagor o anafiadau a marwolaethau – a gall tystiolaeth ymchwil fod yn gymorth i gefnogi cyfeiriad, targedau a chynnwys mentrau diogelwch tân pellach.

At hynny, mae ymchwil (ar ffurf gwerthuso manwl) yn gallu bod yn sail i benderfynu pa fentrau ac ymyriadau sy’n gweithio orau er mwyn cael y canlyniadau a ddymunir. Gallai hynny fod yn fwy allweddol eto, wrth i’r amgylchiadau economaidd roi rhagor o bwysau i gael y gwerth gorau o adnoddau cyfyngedig.

Bydd pawb sydd â diddordeb mewn lleihau niferoedd a difrifoldeb tanau damweiniol mewn cartrefi yn dymuno cael atebion yn y meysydd canlynol:

Nid oes gennym yr holl atebion i’r cwestiynau hyn – ond gall gwaith ymchwil gyfrannu llawer i’n dealltwriaeth o bob un o’r meysydd hyn.